ҚР ДСМ СЭБК "Ұлттық сараптама орталығы" ШЖҚ РМК Солтүстік Қазақстан облысы бойынша филиалының М.Жұмабаев аудандық бөлімшелерінің бактериологиялық және паразитологиялық зерттеулер зертханасының санитариялық-эпидемиологиялық қызметі дәрігерінің бос лауазымына орналасуға конкурс өткізу туралы хабарландыру

• Қазақстан Республикасы Денсаулық сақтау министрлігі Санитариялық-эпидемиологиялық бақылау комитетінің "Ұлттық сараптама орталығы" ШЖҚ РМК Солтүстік Қазақстан облысы бойынша филиалы (бұдан әрі – Филиал) М.Жұмабаев ауданы аудандық бөлімшесінің бактериологиялық және паразитологиялық зерттеулер зертханасының санитариялық-эпидемиологиялық қызметі дәрігерінің бос лауазымына орналасуға конкурс жариялайды.

Филиал қызметінің мәні денсаулық сақтау саласындағы қызметті жүзеге асыру болып табылады.

Филиал қызметінің мақсаты халықтың санитариялық-эпидемиологиялық салауаттылығын қамтамасыз ету болып табылады.

• Біліктілік талаптары:

1. Филиалдың М.Жұмабаев аудандық бөлімшесінің бактериологиялық және паразитологиялық зерттеулер зертханасының санитариялық-эпидемиологиялық қызметі дәрігерінің бос лауазымына орналасуға арналған конкурсқа санитариялық-эпидемиологиялық бейіндегі жоғары білімі не жоғары медициналық білімі және санитариялық-эпидемиологиялық бейіндегі біліктілікті арттыру туралы куәлігі, санитариялық-эпидемиологиялық саламаттылығы мамандығы бойынша денсаулық сақтау саласындағы маман сертификаты бар Қазақстан Республикасының азаматтары қатыса алады.

2 Өз спецификасы бойынша М.Жұмабаев аудандық бөлімшесінің бактериологиялық және паразитологиялық зерттеулер зертханасының санитариялық-эпидемиологиялық қызметі дәрігері мыналарды білуі тиіс:

• "Халық денсаулығы және денсаулық сақтау жүйесі туралы" Қазақстан Республикасының Кодексі;

• "Әкімшілік құқық бұзушылық туралы" Қазақстан Республикасының Кодексі;

• "Сыбайлас жемқорлыққа қарсы іс-қимыл туралы" Қазақстан Республикасының Заңы;

• "Қазақстан Республикасындағы тілдер туралы" Қазақстан Республикасының Заңы

• "Өрт қауіпсіздігі қағидаларын бекіту туралы" Қазақстан Республикасы Төтенше жағдайлар Министрінің 2022 жылғы 21 ақпандағы № 55 бұйрығы (Нормативтік құқықтық актілерді мемлекеттік тіркеу тізілімінде № 26867 болып тіркелген);

• Қазақстан Республикасы Конституциясының, азаматтық және еңбек заңнамасының негіздері;

• Еңбек қауіпсіздігі және еңбекті қорғау, өндірістік санитария және өртке қарсы қауіпсіздік жөніндегі тәртіп пен нормалар.

Лауазымдық міндеттері:

1. Қолданыстағы бұйрықтарға, әдістемелік ұсынымдарға, нұсқауларға, мемлекеттік стандарттарға (МЕМСТ) сәйкес бактериологиялық зерттеулерді уақтылы және білікті жүргізеді:

- жұқпалы ауруларды диагностикалау мақсатында адамдардан биологиялық материалды зерттеу; антибиотиктерге сезімталдықты анықтау;

- санитарлық-бактериологиялық зерттеу;

- серологиялық зерттеулер.

2) зертханалық зерттеулер деректерін тіркеуді, есепке алуды және статистикалық өңдеуді жүргізеді;

3) зерттеу нәтижелері туралы уақтылы хабардар етеді;

4) зерттеу нәтижелері бар хаттамаларға уақтылы қол қояды;

5) микробиологиялық зерттеулердің жаңа әдістемелерін меңгереді, оларды уақтылы жұмысқа енгізеді;

6) орындалған зерттеулер туралы ақпарат жинауды ұйымдастырады;

7) зертханашылардың жұмысын, диагностикалық зертханалық рәсімдерді жүргізудің дұрыстығын, құрал-саймандарды, аппаратуралар мен жабдықтарды пайдалануды, реактивтерді ұтымды пайдалануды бақылайды, әдістемелік көмек көрсетеді;

8) зертханалық бактериологиялық зерттеулердің сапасына зертханаішілік және сыртқы бақылау жүргізу жөніндегі іс-шараларды жүзеге асырады;

9)зертханаішілік сапа бақылауын жүргізеді;

10) зертхана ішіндегі мамандардың құзыреттілігіне бағалау жүргізеді;

11) зертханаішілік салыстыру зерттеуін жүргізеді;

12)зертханааралық сәйкестендіру сынағын (МТЖЖ) өткізеді;

13) зертханалық бактериологиялық зерттеулердің сапасына сыртқы бақылау жүргізу бойынша іс-шаралар жүргізеді;

14) белгіленген қағидаларға сәйкес медициналық және өзге де құжаттамалардың уақтылы және сапалы ресімделуін қамтамасыз етеді;

15) эпидемияға қарсы іс-шаралардың жылдық және перспективалық жоспарларын жасауға қатысады;

16) бактериологиялық препараттарды, химиялық реактивтерді, жабдықтарды және т. б. сатып алуға өтінімдер жасауға қатысады;

17) топтық жұқпалы аурулар мен тамақтан улануды кешенді тексеруге қатысады;

18) жабдықтың тиісті жай-күйін және өткізілетін зертханалық сынақтар мен өлшеулердің сапасын қамтамасыз етеді, соның ішінде ВЛКК, ВОК және MЛСИ;

19) белгіленген нысан бойынша атқарылған жұмыс туралы есептерді жасайды;

20) өз жұмысының нәтижелерін талдайды;

21) мұражай мәдениеттерін бақылауды жүзеге асырады;

22)сапаны сырттай бағалау шеңберінде бөлінген дақылдарды Растауды жүргізеді;

23) қоректік ортаның сапасын стерильділікке, биохимиялық, өсу, саралау, тежеу қасиеттеріне тексереді;

24) мамандық бойынша өз білімін жүйелі түрде арттырады;

25) микробиологиялық зерттеулер әдістері және олардың нәтижелерін бағалау бойынша семинарлар өткізуге қатысады;

26) бөлімше қызметкерлерімен сынамаларды іріктеу және зертханаға жеткізу бойынша нұсқама жүргізеді;

27) емдеу-алдын алу мекемелері үшін зертханаға сынамаларды іріктеу және жеткізу бойынша нұсқама жүргізеді;

28) шұғыл және жаппай зерттеулер жүргізу үшін филиал директорының, директордың орынбасарының, зертхана меңгерушісінің нұсқауы бойынша жедел жұмыс орнына келеді;

29) медициналық әдеп талаптарын және жалпы моральдық - этикалық нормаларды сақтайды;

30) бактериологиялық зерттеулер жүргізудің аналитикаға дейінгі, талдамалық және аналитикадан кейінгі кезеңдерін бақылайды;

31) ұйымның басшылығымен және ұйым бөлімдерімен бірлесіп ұйымның биологиялық қауіпсіздік бағдарламасының орындалуын бақылайды;

32) бактериологиялық зертхана үшін биологиялық тәуекелдерді басқару бағдарламасын әзірлеуге, енгізуге және үйлестіруге қатысады;

33) зертхана меңгерушісімен және басшылықпен бірлесіп биологиялық қорғауды күшейту жөніндегі шараларды әзірлейді;

34) зертхананың қосалқы және техникалық персоналын қауіпсіз жұмыс әдістемелері мен тәсілдеріне оқыту және биологиялық тәуекелдерді азайту бағдарламасын әзірлейді және бақылайды;

35) зертханада биологиялық агенттермен қандай да бір жұмыстар жүргізу мүмкіндігіне биологиялық тәуекелдерді алдын ала бағалауды жүргізеді;

36) зертханада биологиялық тәуекелдердің тұрақты мониторингін жүзеге асырады, мониторинг нәтижелері бойынша зертхана меңгерушісі мен биоқауіпсіздік жөніндегі маманның назарына жеткізеді;

37) биологиялық қауіпсіздіктің жаңа стандарттарының пайда болуын, Қазақстан Республикасының заңнамасына өзгерістер мен толықтырулар енгізуді, биологиялық қауіпсіздіктің талаптары мен стандарттарын регламенттейтін нормативтік құқықтық актілердің күшіне енуін ұдайы қадағалайды және осы ақпаратты барлық мүдделі тұлғаларға жеткізеді;

38) зертхана меңгерушісінің, директор орынбасарының, директордың нұсқаулары мен өкімдерін орындайды;

39) Бағыныстылардың ішкі тәртіп, қауіпсіздік техникасы, өрт қауіпсіздігі, биоқорғаныс және биоқауіпсіздік, ақпараттық қауіпсіздік қағидаларын, зертхананың регламенттелген жұмыс режимін, филиалда белгіленген еңбек тәртібін сақтауын қадағалайды және бақылауды жүзеге асырады;

40) алғашқы медициналық көмек көрсету дағдыларын меңгеруі тиіс;

41) сыбайлас жемқорлыққа қарсы заңнаманы сақтайды және өз тарапынан және оған бағынышты адамдардан сыбайлас жемқорлық көріністеріне жол бермеу жөнінде шаралар қабылдайды;

42) Қазақстан Республикасының Конституциясында, ҚР Азаматтық кодексінде, ҚР Еңбек кодексінде, "Халық денсаулығы және денсаулық сақтау жүйесі туралы" ҚР кодексінде, "әкімшілік құқық бұзушылық туралы" ҚР Кодексінде және Қазақстан Республикасының өзге де нормативтік құқықтық актілерінде, сондай-ақ кәсіпорынның ішкі құжаттарында көзделген нормалар мен талаптарды сақтайды.

Конкурсқа қатысуға ниет білдірген азамат қолма-қол немесе курьерлік пошта арқылы келесі құжаттарды ұсынады:

1) Конкурс қағидаларына 1-қосымшаға сәйкес нысан бойынша өтінішін (Кәсіпорынның сайтында, "Бос орындар" бөлігінің соңғы бетінде орналастырылған);

2) жеке басын куәландыратын құжаттың көшірмесі;

3) кадрларды есепке алу бойынша толтырылған жеке парағы (нақты тұрғылықты мекен-жайы және байланыс телефондары көрсетілген);

4)лауазымға қойылатын біліктілік талаптарына сәйкес білімі туралы құжаттардың нотариалды куәландырылған көшірмелері;

5) еңбек қызметін растайтын құжаттың көшірмесі;

6) сыбайлас жемқорлық қылмыс жасағаны туралы мәліметтердің бар-жоғы туралы анықтама (egov арқылы алынады).

7) Конкурс қағидаларының 2-қосымшасына сәйкес нысан бойынша түйіндеме (Кәсіпорынның сайтында, "Бос орындар" бөлімінің соңғы бетінде орналастырылған).

Көрсетілген құжаттардың біреуінің болмауы конкурсқа жіберуден бас тартуға негіз болып табылады. Құжаттарды курьерлік пошта арқылы алған жағдайда, олар қайтарылуға жатпайды.

Конкурсқа қатысушы өзінің біліміне қатысты қосымша ақпаратты, лауазымға қойылатын біліктілік талаптарына сәйкес жұмыс тәжірибесін растайтын құжаттарды, кәсіби деңгейін (біліктілігін арттыру, ғылыми дәрежелер мен атақтар беру туралы құжаттардың көшірмелері, ғылыми жарияланымдар, алдыңғы жұмыс орнының басшылығынан ұсынымдар жәнет.б.) ұсынады.

Конкурс келесі кезеңдерден тұрады:

1) біліктілікті бағалау;

2) әңгімелесу өткізу;

3) конкурстың қорытындысын шығару.

Конкурсты өткізу тәртібі ҚР ДСМ СЭБК "Ұлттық сараптама орталығы" ШЖҚ РМК Басқармасының сырттай отырысының 2023 жылғы 21 қыркүйектегі № 55 шешімімен бекітілген (2025 жылғы 11 сәуірдегі № 23 енгізілген өзгерістер мен толықтырулары), (ҚР ДСМ СЭБК "Ұлттық сараптама орталығы" ШЖҚ РМК сайтында орналастырылған) ҚР ДСМ СЭБК "Ұлттық сараптама орталығы" ШЖҚ РМК қызметкерлерінің бос лауазымдарына конкурстық орналасу Қағидалары мен реттеледі.

Құжаттарды қабылдау жұмыс күндері сағат 8.30-дан 18.00-ге дейін (үзіліс сағат 13.00-ден 14.30-ға дейін), Петропавл қаласы, Н.Назарбаев көшесі, 236 мекен-жайы бойынша жүргізіледі.

Құжаттар қабылдаудың аяқталуы: 2026 жылғы 15 қыркүйек, сағат 18.00-ге дейін.

Анықтама телефоны: 8(7152) 41-11-98; 8 777 417 29 47